عيش الأمل بقلم . فاروق إبراهيم

عيش الأمل
...............
عيش الأمل واحلم
إنه ها يتحقق
إمسك حبال الوهم
وفى طرفها اتشعلق
وفى طرفها اتشعلق
ليلنا باينه طويل
مالوش فجر هايشقشق
وكل حلم جميل
بنحلمه بيغرق
طرحت بذور الخوف
وطرحها بيحرق
حزن فى المواويل
وأملها متشرنق
كلماتها ناقصه حروف
والعدل متعلق
على جبال الويل
مصلوب ومتشعلق
الحق بقى مكتوف
والظلم متذوق
والعهر مش مكسوف
علينا بيتريق
كدبه واضح مكشوف
بقت حاجه تزهق
إمتى يهل صباح
لأملنا متشوق
ودنيا حالها براح
عصافيرها بتزقزق
..........
أفكار .... فاروق إبراهيم