يا لايم جرب القسوة - ( غنائى ) ......................بقلم محمد البلاط

• يا لايم جرب القسوة - ( غنائى )

• ......................

• على شط الهموم عايم

• وانا فى بحر الألم سواح

• فى هم وويل وصايم

• وقلبى مليان بجراح

• ومتحمل لقسوتهم

• لا بشكى ولا اجى يمتهم

• ليه بتلومنى وكلى جراح

• يا لايم جرب القسوة

• وذوق الظلم من الاغراب

• قساهم فيه كثير رحمه

• لو بتقسى قلوب الاحباب

• عذاب الدنيا مش لسعة

• ولا بعد قريب و غاب

• عذابها الظلم لو تدرى

• وقسوتها فى جفا الاحباب

• ليه بتلومنى وليه بتقسى

• وانا جرحى فى قلبى ما طاب

• انا المكلوب وحالف اتوب

• وكان الذنب مش ذنبى

• ومش سايبنى فى حالى

• اناجى واشتكى لربى

• يصبرنى على المكتوب

• واعاتب قلبى المعيوب

• فى حب حبيب ساكن جنبى

• هجرنى فى عز الازمة

• وجانى بالحجج رزمة

• يقولى

• انت العطر والطيب

• يا حب اعفينى وخلينى

• غريب وارتاح

• لا يجرحنى حبيب بالهجر

• ولا اعتبه يقولى سماح

• ويكفينى مرار الصبر

• دوا لألمى وبيه ارتاح

• ومتلمنيش يا لايم

• على شط الهموم عايم

• وانا فى بحر الالم سواح

• وجرب قسوة المحبوب

• هتحلف ان انا المغلوب

• وتعذرنى تقولى سماح

• يا لايم جرب القسوة

• ومتلمنيش سيبنى ارتاح

• بقلم محمد البلاط