( ما أقدرش أسيبها ) ..................أفكار .... فاروق إبراهيم
- مش عاجباك سيبها وإمشى - كلمه بتتكرر كتير
- ما يعرفوش إنى عاشقها - رغم إلواقع المرير
- أغضب لو حد جاب سيرتها - أحس نفسى محبوس فى بير
- واكره أى شىء يهينها - على كرامتها دايما باغير
- فكرت مره أسيبها وامشى - وأشوف غيرها حضن تانى
- لقيتها هى نبض قلبى - كل الحب إللى فى كيانى
- هى أبويا هى أمى - هى دى دارى ومكانى
- حبها بيجرى جوه دمى - بيسرى بوريدى وشريانى
- كل أملى أشوفها عاليه - علشانها هى مش عشانى
- حبى لها هو ذنبى - بادفع تمنه من هوانى
- حاجات كتير غلط باشوفها - أفعال كتير مجننانى
- لو جيت أتكلم و أقولها - ألاقى ناس مخونانى
- اللى يقول ده عميل - وإللى يقول كانى مانى
- قلبو نهارى ليل طويل - كرهت زمانى ومكانى
- إنا واحد من ولادها - عمرى مارضى يوم هوانها
- روحها بتسرى جوه منى - روحى سارحه جوه نيلها
- أبويا مدفون فى أرضها - وإبنى بيحمى عرضها
- خايف عليها من عداها - كلنا دايبين فى عشقها
- ع العموم الله يسامح - إللى فرق شعبها
- واللى كمان كلامه جارح - مش عارف إزاى يحبها
- ربنا للخير يهدينا - ويلم تانى شملها
- ويقدرنا ويقوينا - نرجعها تانى لعزها
- نمسح دمعه من عينيها - يمكن تنسى حزنها
- بابتسامتها الجميله - ترجع تانى لحسنها
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.