...طفلة وعتم.........عاشقةالورد......

• ...طفلة وعتم...

• بلّش العمر يخَتيِر معي

• وبعدني طفلة برداني

• ناطرة فرحة تقلّي تَعي

• بإيديها تغمر أحزاني

• قدر انكتب من مدمعي

• و جروح القلب نزفت معاني...

• بين الغفى وبين الوعي

• ما بعرف مين وداني

• ع سجن حيطانو من أضلعي

• تركني حاكي العتم ونساني

• قالي العتم منك انا..لا تفزعي

• تشَردَقتْ بدمعة غصّتْ بوجداني

• يا صرخة من دمي طلَعي

• لا بقى توجعي شرياني

• ويا هالطفلة الجواتي ماتت لا ترجعي

• ما إلك مطرح بقلوب حقد ملياني...

• ......عاشقةالورد......