قلمى / حسن غرام

• فأنا ليس لدى جمهور ولم يكن لدى فرصه ولكن لى أحباب

• لعلهم لم ببخلوا بالرأى

• رطوش من واحد فاكر نفسه شاعر 

• إسمه حسن غرام (كلماتى )

• مسكين ياجفنى متشحتف على النومه .

• ووجع القلب متستف وجوه حسابا بالكومه .

• وعضمى اتكى ،، على الدكه .. لا أنا عارفه بقى سكه 

• ولا إتعجرف على القومه. 

• مسكين ياجفنى متشحتف على النومه.

• ولسه برضه متعشم ألاقى عضامى خادمينى .

• وهاينه عليا أشوف نفسى شباب واليأس خد منى.

• ركنت العمر ورا ضهرى سرق عشرينى خاض منى.

• فضلت ازعق ياعمرى إرجع...

• لقيت فوق راسى ميت شومه.

• مسكين ياجفنى متشحتف على النومه.

• وأنا خايف تلاتينى ... تتعلم تكررها.

• لا ألحق أدوق عسل منها ... ولا ألحس حتى سكرها.

• وشايف الهم متعاجب ... ضحك على الفرحه سكرها.

• وباب اليأس متوارب .... واملى بيبانه سكرها.

• وسنين العمر معدوده ،، ومحدودة.

• وبكف الغلب محتوته.

• وعدت منى ، وكأنى ... يادوب توته على توته.

• ولا حلواش ياحدوته .... ولما إديتنى ملتوته. 

• لقيت الصبر سكرها .

• ولقيت فوق راسى ميت بومه. 

• مسكين ياجفنى متشحتف على النومه.

• الصبر غشيم بهدلنى.

• ولا فهمنيش ولا قبلنى.

• قفل بابه قصاد وشى .... وقالى إمشى وهملنى.

• وخلا حلمى شاب عجز.

• فخايف قلبى يوم يعجز.

• فلا يعرف يكون روميو.

• ولا يقابل فى يوم جولييت.

• فى يوم تقلق على غيابه.

• وتفرحله بقولة جيت.

• رميت الصبر طول إيدى. 

• كرهت الصبر وإحتجبت.

• عيشنى سنينى متخدر.

• ولا صوره ولا منظر.

• لقينى الشعر متبعتر ..

• فرد حجره ولملمنى ... وعلمنى....

• علمنى...

• تكون حمولى هدانى. 

• وأتعافى فى جوف الليل.

• وأعافر فيها وحدانى. 

• وأقضيها غنا ومواويل.

• وأدادى فى حلمى وأتولاه.

• وأمد وإيدى ولا طايلاه.

• ولا ليلى كمان كفاه.

• قدامى السكه ألفين ميل.

• ومعاى الخطوه ملخومه. ... ومحكومه. 

• مسكين ياجفنى متشحتف على النومه.

• وبرضه الشعر مفهمنيش.

• لساه واقف مكملنيش.

• لقيت أخره سمع منى ... ويوعدنى وبرضه مفيش.

• فمش عارف يكون صاحبى.

• يادوب صعبان عليه شكلى. 

• فتح صدره وقالى آحكى.

• قعدت أحكيلو فى مشاكلى. 

• فرسم الخوف على سنى.

• ولسه حروفه مسنى.

• ولسانى بقول لسه .

• أصيل سنى .. قلع سنى 

• ومشيبنيش ومندمنيش.

• ولسه الفكره موجوده.

• فياريت ياشعر لو تشفق.

• سنين العمر معدوده.

• وأنا لسانى نفسى أعشق.

• ونفسى تكون طريق ليها ،،،، تغنيها ،،،، تواسيها.

• تراضيها لو فى يوم ....... تحمق 

• وتعفينى من اللومه. 

• مسكين ياجفنى متشحتف على النومه.

• لعلى أبلغ أعجابكم فضلا وليس أمرا

• قلمى / حسن غرام