مش بالكلام يا بلد بقلم محمد البلاط

• مش بالكلام يا بلد

• مش بالكلام يا بلد اهل الكلام بهوات

• اللى بيشقى اتحنى صبح مع الاموات

• فيه كام كان محترم عمل للعرق عداد

• بين الحياة والموت ولقمة تبقى حلال

• عايش وكاتم الصوت شايل كثير احمال

• سهل يكون بلعوط ويعيش فيها سلطان

• وبالدراع يفوت ويكسر القضبان

• لكنه فضل يكون على لقمته شغال

• ويعيش كريم محترم ويأكلها صافيه حلال

• لكن قلب الهرم جر حبال كلام

• فك عقد الورم وخرجه من صيام

• يا بلدنا ليه اتخرم فيكى كافة الميزان

• تذلى اللى شقى وتبهدلى الجدعان

• بترفعى اللى سرق وتهننى اللى خان

• قوليلى من اللى اتحرق يا بلدنا فى حمايتك

• قوليلى من اللى اتشنق غير رافعين رايتك

• خاطر بجسده رحل وروحه فى زنزنتك

• فيكى المكاتب يا بلد مصنوعه عدد الروس

• وارض بورمن العطش مش لاقيه يد وفوس

• منين تكفى البطون ومنين تجيبى فلوس

• ما اللى ماسك دفتك اصله رجل مهوس

• خمسين نفس فى بيت فيهم واحد شغال

• نتشوا فى هدومه نتش لما صبح عريان

• ربوا دهون وكرش واتسل الشقيان

• فوقى يا ام الرجال مش بالكلام وبس

• عمر الكلام ما بنا ولا ساعد بنا فى الرص

• يا يطلعوا الخمسين ويديرها واحد بس

• يا تفضلى فى الطين ويكفيكى شغل الرش

• مش بالكلام يا بلد 

• بقلم محمد البلاط