- الديابه
- ةةةةة
- عملوا ايه فينا الديابه
- سرقوا قوتنا احنا الغلابه
- هما شلة من عصابه
- احنا موتنا مرتين
- مره لما وثقنا فيهم
- والاسد هو حاميهم
- مره تانيه من يومين
- لما خلعوا سنتين
- ناب وضرس وسوسه سامه
- والديابه فى المغارة
- بالذكيبه والشيكاره
- عامله حفله وعامله غاره
- كل يوم تسرق دباره
- والعماره جوه حاره
- بس فين بس العباره
- والديابه مشغولين
- هما بس المحروسين
- والعوار يطلع لمين
- للغلابه .. المطحونين
- والحمام الابيض يغنى
- كنت فاكر يوم تمنى
- القى قوتى يجى عندى
- مش بعندى لا بعنده
- اصل كل حاجه عنده
- يمحى اى شئ يعانده
- والديابه كتير تسانده
- اما صوت المطحونين
- صوت ضعيف
- بيمشى فى الشارع خفيف
- اصله ضيف
- يا لطيف
- والديابه مرفوعين زى السحابة
- والمطر نازل عليهم
- اصلهم اهل الرحابه
- والطيابه جوه قلب المخطوفين
- والحرابه حد بس المجروحين
- والكلاب الضاله واقفه
- صوتها عالى وفيها عافيه
- تحدف الغلبان بشقفه
- ضربه واحده بس كافيه
- والاسد واقف بطوله
- شد شعره وهز ديله
- والديابه جم قالوله
- اللى يصرخ قوم وزيله
- هز ديله وراح كاويله
- اطلع انت مع الكلاب
- انت يومك يوم هباب
- دا انت مش لابس شراب
- حتى ريحتك لسه فايحه
- والليالى بينا رايحه
- ابعد انت واجيب غراب
- والديابه الباقيه تهدى
- حاوى ومعايا الجراب
- اه مخاوى وكنت ناوى
- الغى كلمة ؛ العتاب
- انتوا اهلى المكرومين
- الديابه المعصومين
- اما غيركوا الشقيانين
- بيدعوا لينا
- واحنا بردوا نقول امين
- »((طلعت عامر ))«
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.