مجلة عظماء الكلمه

عشقت العشق فى عشقك 
عشقت الناس
وفرحة قلبى فى قربك
ولا تتقاس
مع الإخلاص
رضيت إنى أكون جنبك
واعيش منداس
رضيت انى أبيع دمى
فى ساعة طيش
بقيت أدّى حنان حبى 
ولا بْتديش
رضيت إنى أموت مرّه ومية مره
عشان اتعيش
وكان أملى متكسرنيش
ياخْســــــــــــــــــاره
ياخْساره شربت المر من إيدك
كاسات وكاسات
قلب اخضر سكن قلبك وسبته مات
ومن غدرك ومن هجرك
عرفت اندم على اللى فات
قلب ابيض عشق روحك
مليته بالسواد والهم
عيون عاشت كتير تحلم
بقت تبكى بدمع أصم
دموع صافيه وعكرها 
عذاب حبك بلون الدم...

 بقلم الاستاذ حماده الفارسى