خاطرة / لملم جراحك بقلمي /حسن الأقصري

• خاطرة / لملم جراحك

• بقلمي /حسن الأقصري

• """"""""""""""""""""""""""""""

• وبتحسبيني 

• في الحياه عايش

• إيه الدليل

• هو نفس طالع 

• والظهر محني 

• من همه التقيل

• هي ساعات بتمر

• من مر لل أمر

• ودموع تشق بحور

• ترسم سطور متعرجه

• علي خدود الحر

• وكل حلم حلمت بيه

• طيف وسحاب قدام

• عيوني كان يمر

• وهم وخداع 

• وفكل مره ألملم الاوجاع

• وأرجع لاول سطر

• بتخدعيني الف مره

• وبتوهميني بعيشه حره

• وبتسجنيني سنين عجاف

• وتدبحيني بدمعه مره

• بتحسبيني اني حخاف

• ونسيتي إني

• من صدر أمي

• رضعت قهر

• لا مش بخاف

• الخوف ده كلمه

• منقوشه ف كتابي 

• ف كل سطر

• وفكل طرفه من رموشي

• وكل ثانيه من حياتي

• كان يمر

• روح إسألي الليل إلي كان

• دايمٱ ونيسي

• روح إسألي الحزن إلي كان

• دايمآ جليسي

• فيكي يادنيا الشهد

• أصبح مر

• إيه دليلك إني عايش

• الفرحه معدومه

• والضحكه مكتومه

• جسمي هزيل

• تمثال نحيل

• ومحنطينه صبر

• معدش شيئ منه أخاف

• أخاف علي بيتي

• الي هو مش بيتي

• اصدق مين

• أمي تقولي بيت جدودك

• وابوي قال متأجرين

• واخويا بيقول هو باعوا

• علشان يجبلك لقمتين

• طب هما فين

• طب ع الأقل كان سد

• جوع الخاويين

• ابويا قالها من سنين

• لا مفيش

• واجيب منين علشان تعيش

• امي بتشحت م الجيران

• وبيت الكرم اصبح جعان

• وانا إلي طول عمري

• ملاذ المحتاجين

• كل الغلابه إلي إغتنوا

• من مص دمي من سنين

• نسيوا إلي فات 

• وفضلت عايش عالفتات

• أروح لمين

• لما ألأسد يصبح أسير

• العيشه خل

• من بعد عز شبعت ذل

• عند إلي كان راعي حمير

• عند الامير

• مش هي دي سنة حياه

• حامي الحما يصبح اسير

• عند الحفاه عند العراه

• صبحوا رجال

• وبيشتروني بالدينار وبالريال

• بتبيعني ليه يابا 

• لأشباه الرجال

• نسيوا إلي فات لما بقوا

• اصحاب مصانع وعمارات

• اصحاب قصور

• اصحاب تحف وإكسسورات

• وفضلت انا عامل اجير

• وأمد إيدي وأقوله هات

• حقي عليك 

• ولا انت ناكر للي فات

• يقولي حقك يابني مات

• وبقيت حقير

• أترجي فيه

• لجن الاخوه لقمتين

• يرد يقول أخوة إيه

• إنتوا أخوات متفرقين

• اختك بتخدم ف القصور

• وأخوك بينحت ف الصخور

• والباقي واقف في الطابور

• وابوك يهادي بأرضكم

• وقبض تمنكم من سنين

• متفرقين. !!! 

• وركبت فوق الريح

• قوام علي بلدي جريت

• ألاقي أمي بالسواد 

• واقفه بباب البيت

• صرخت يما إيه جري

• لما سافرت سبتك غزال

• متحنيه ومشيت

• قالتلي سافر ياحسن

• ارجع قوام مكان ماجيت

• لا الأرض سارت أرضنا

• ولا لك مكان ف البيت

• اكبر خواتك معتقل

• وواحد إتصاب بالخبل

• والتاني في ميدان إتقتل

• بإيدين أخوه

• وبدم بارد

• يصرخ يقول

• انا البطل انا البطل

• ليه الميزان صابه الخلل

• رديت وقلت ابويا فين

• يمكن يكون هو الامل

• ردت ابوك باعنا خلاص

• سابنا ونايم في العسل

• يما قوليلي إيه حصل

• لعنه صابتنا 

• ولا جايز محسودين

• طول عمرنا متجمعين

• من بطن واحد مولودين

• ياما محن مرت علينا

• ولا عمرها كانت بتفرق

• إن كنت أحمد ولا مينا

• وفكل محنه بيلمع

• الأصل إلي فينا

• لو يوم نغيب أو نفترق

• بإشاره واحده ترجعينا

• ولا أحنا ضلينا المسير

• (حسن اللأقصري)